होली चंग फागण 2020 (3)

।। राम राम सा ।।
होली चंग फागण 2020
1
आऊओ ने आसोप धणीयौ
मोतियों री माला ओ,,,,2
बारे नाखौ कुन्चियो
तोड़ा वो  ताला ओ, के तौपो बारे लो,,,,2
मोल~~तौपो बारे लो
आऊऔ रुथुडौ बैठो ओ
के तौपो बारे लो,,,,,2altr
2
आकड़ा रो पिलौ पोन
धरती माथै पडीयौ ओ,,,,2
काली ने कौन्ठळ रौ बादळ
माथै आयो ओ, के मचियौ चौमासौ,,2
मोल~~ मचियौ चौमासौ
चिड़कलियो चौमासौ पाळे ओ
के मचियौ चौमासौ ,,,2
3
उगता सूरज रे हैटे
ऊडणगाडी हाले ओ ,,,2
ऊगमणा ती आवे ने आथमणी
जावे ओ के राजा शरवर रे,,,,2 altr
मोल~~ राजा शरवर रे
देश रो सम्बाळौ लिदौ ओ
के राजा शरवर रे ,,,,2
4
खरन्टीया रा महन्त बाबा
दौनों हाथै माठी ओ,,,,,2
दौनो हाथा माठियो
गला मे डोरौ ओ,के मोती कोनो मे ,,,,2
मोल~~मोती कोनो मे
ललाडी माथै हीरा पळके ओ
मोती कोनो मे ,,,,2
5
एक तो खाती रा बेटा
म्हारौ कयौ करजे ओ,,,,2
विराजी(भंवरजी) रे गैडी रे घुंघरिया
जड़जै रे के असली चाँदी रा ,,,,,,,2
मोल ~~असली चान्दी रा
गैर मे रमजोळ  मोन्डे ओ
असली चान्दी रा,,,,2
6
पोकण वाला ठाकर
थांरै ऊँटो माथे आटो ओ,,,2
कोटडी रा ठाकर रे
ओडी मे आटो ओ के मंगरो जावा रौ ,,2
मोल~~मगरौ जावा रौ
कोटडी करमावा विस मे ओ
मगरौ जावा रौ,,,,,2
7
समदौ सूँ  ऊडियौड़ी कुरजौ
रात कठै रेहगी ओ,,,2
बालसमन्द रे बाग मे
विश्राम लिदौ ओ, के ऊड़ती कुरजलियाँ,,2
मोल ~~ऊड़ती कुरजलियाँ
...................................alter
ऊड़ती कुरजलियाँ,,,,,,2
8
खरन्टीया रा महन्त बाबा
राजोजी बुलावै ओ,,,,2
राजोजी बुलावै थौने
गाम दैवै ओ मजल धुँधाडौ ,,,,2
मोल ~~मजल  धुँधाड़ौ
 लुणी ने नजरौ मे लिदी ओ
के मजल धुँधाड़ौ,,,,,2
9
केशर घोड़ी कालमी
पाबू रे थान सौवे ओ,,,,,,,,2
लीलौ घोड़ों नवलड़ीयौ
रुनुजे सौवे ओ के रामा पीवर रे ,,,,2
मोल~~रामा पीवर रे
थलवट मे लिलो थौरौ हिन्चे ओ
रामा पीवर रे ,,,,,,2

10
एक सौ ऐक्यावन घुड़ला
छप्परीया मे बादा ओ,,,,2
चप्परिया मे बादा घुड़ला
हिंस मारी ओ, के झीण मोन्डौ तो,,,2
मोल ~~झीण मोन्डौ तो
लिलडी वन्चेरी माथै ओ
झीण मोन्डौ तो,,,;,2
11
गोडो सुमणौ घाघरीयो
बरवौ री बैरौ फैरे ओ,,,,2
छाती तौड़ कौन्सळी
पटळौणी फैरे ओ घोणे सावरियो,,,,2
मोल ~~ घौणे सावरीयो
पिवरियो पातौरेवाड़े ओ
घौणे सासरियो,,,,,2

चंग फागण होली 2020 (2)

राम राम सा
होली फागण
1
चंग थारौ घैरो वाजे
खाल वाजे घेटा री ,,,,,,,2
ढून्ड करावौ थारै
मोबी बेटा री के म्हौने खाजा दो,,,,2
मोल~~म्हौने खाजा दो
पिवरीयो रो पिलौ ओढा दो
के म्हौने खाजा दो ,,,,,,2

2
विन्टीयो घडाई वगता
अवले ओन्टो दिदो रे ,,,,,,,2
बर वै चीठी मेल ने 
पसतावौ किदौ रे के लापी निन्टोणी,,,,,2
मोल ~~लापी निटोणी
वगतुडा थारी परणी जरणी रे
के लापी निटोणी,,,,,,2
3
धुम्बडा रा धणीयौ 
थै तौ पिपललौ खौदायो ओ,,,,,2
पिपललौ खोदाय माथै
जाली नौखी ओ के मोर झुलण ने ,,,,,2
मोल~~ मोर झुलण ने
पिपलौ पिछोला मारे ओ
के मोर झुलण ने
4
चंग ने बजावण वाला
साजा ताजा रहिजो ओ ,,,,,2
झिन्जा ने वजावण वाला
अमर रहिजो ओ,के मर जो मोलियौ ,,,,2
मोल~~ मर जो मौलियो
गैरीया खेलण ने आवे ओ
के मरजो मोलियौ ,,,,,,,,,2  altr
5
पाल माथै पिपली
मणीयारे हाट मोन्डी ओ,,,,,2
कीकर जाऊ पौणी ने
म्हनै लाज आवे ओ , निरखू मणीहारो ,,,,,,2
मोल ~~ निरखू मणिहारौ
ऊणियारौ भँवर रो आवे ओ
के निरखू मणिहारौ ,,,,,,,,,2
6
चौवटीये घरतार म्हारे
चौन्दे बारी राखी ओ ,,,,2
बारी वेने जौऊ तो
म्हनै लाज आवे ओ , के मौलौ नाचीजे,,,,2
मोल ~~ मौलौ नाची जै
गैरीया मे चनगौ राखे ओ
के मौलौ नाची जै ,,,,,2  altr
7
काटीया गवौ री ऊम्बी
भाटा माथै पलके ओ ,,,2
दिवला रे चौन्दणीये भाभी
रिपिया पलके ओ ,के विवा देवर रौ ,,,,,2
मोल ~~विवा देवर रो
देवरीयौ दैरोणी लावे ओ
के विवा देवर रौ ,,,,,,2
8
लगनौ रौ नारेल कोना
सामी नैवे पडीयो ओ ,,,,,,2
चूड़लीया रौ परवौणौ
पाली मे पडीयौ ओ ,के मण्डलौ मारोणौ,,,,2
मोल ~~मण्डलौ मारौणौ
विन्दणी वौन्दुला जिमे ओ
मण्डलौ मारौणौ,,,,,,,2
9
लौम्बी लौम्बी डोन्गौ वाला
बर वो वाला बैली ओ,,,,,2
भरीयोड़ी बन्दूकों वाला
बेली बरवो ओ, के टल ने वै जाणो ,,,,,×
मोल~~ टल ने वै जाणो
माथा री गैडी राम टाले ओ
के टल ने वै जाणौ,,,,,,2

चंग फागण 2020 (1)

।। राम राम सा ।।
होली रा फागण
1
राम नाम भजीया ज्यौने,
मोती महल मिलीया रे,........2
हे भाकरिया मे तपीया ज्योने,
राज मिलीयो रे, के जूने जोधाणे,..2
मोल~~जूने जोधाणे,
परमेश्वर पत्ता लिखने दिना रे,
के जूने जोधाणे।। .......2

2
हँसने मीठाबोलो भाया,
अनेचो मतीना राखो रे,.....2
"हे थोड़ा दिना रो जीवणौ,
भलाई लेलो रे,के ओची उमर मे,...2
मोल~~ओची उमर मे,
संसार में भलाई लेलो रे,
के ओची उमर मे।।.....2
3
उठते प्रभाते भाया,
राजाराम ने सिमरो रे,.....2
हे राज करण री वेला भाया,
वेगा उठो रे,के रिजग वैंटीजे,..2
मोल~~ रिजग वैंटीजे,
प्रभाते राम रो सिमरण करलो रे,
के रिजग वैंटीजे।।...2
4
खेजड़ला री देवी माता,
नाहर ने सिणघारे रे,....2
अरे नाहर ने सिणघार देवी,
हेलो मारे रे,के सुनजो सिरदारा,..2
मोल~~ सुणजो सिरदारा,
झगड़ा मे थारी जीत वेला रे,
के सुणजो सिरदारा।।...2
5
वड़ली वाला भेरू,थांरो
कालो डोरो बांधु रे,....2
रेखलीयौ जोताय थारी,
जात देवु रे,के भेरू वडली रो,..2
मोल~~  भेरू वड़ली रो,
बांजियो ने बेटा देवे रे,
के भेरू वड़ली रो।।....2
6
चंदा थारे चांदने,
तारा रो तेज मोलो रे,...2
हे सीताजी रे ढोलीये,
हड़मंत रो पौहरो रे,के ढलती रात रो,..2
मोल~~ ढलती रात रो,
रखवाली बाबो पूरी  राखे रे,
के ढलती रात रो।।...2
7
केशर घोड़ी कालवी,
पाबू रे थाने सोवे ओ,....2
हे लीलो घोड़ौ नवलखियो,
रुनूजे  सोवे ओ,के रामापीवर रे,..2
मोल~~ रामापीवर रे
कलजुग मे अवतार लिनौ रे,
के रामापीवर रे ।।...2
8
पाबू थारी कालवी,
डंका रे जोड़े दौडे़ रे,,,,,2
ऊबा ऊबा आकाशो रा,
तारा तोड़े रे,के पाबू भालालौ,,,,2

मोल~~ पाबू भालालौ,
राठौडी शूरो अमर वेगो रे,
के पाबू भालालौ।।.....2
9
किल्ला आगे चौतरौ,
हड़मान गोडी ढाली रे,,,,2
उठते हड़मान बाबे,
हाकल मारी रे,के जटाधारी नेे,,,,2
मोल~~ जटाधारी नेे,
हड़मान थारा  परचा भारी रे,
के जटाधारी नेे।।,,,,,,2
10
सांझ री उडीयोडी कुरजौ,
रात कठे रेगी रे,,,,2
बालसमंद रे बाग मे,
हिलोरा लेती रे,के उडती कुरजलीया,,,2
मोल~~ उडती कुरजलीया,
थारी बोली मीठी लागे रे,
के उडती कुरजलीया।।,,,,,2
11
बालसमंद रा बाग में,
चम्पा री डाली लागी रे,,,,,2
जोधाणे आयोडी फौजो,
पाछी भागी रे,के रंग है राठौड़ौ,
मोल ~~रंग है राठौड़ौ,
मूछा रे माते ताव दिनो रे,
के रंग है राठौड़ौ।।,,,,2
12
मोडकी मगरी रो पौणी,
ढालो ढाल ढलीयो ओ,,,,,2
आबू थारा पहाडा मे,
अंग्रेज रलीयो ओ,के काली टोपी रो,,,,2
मोल~~काली टोपी रो,
अंग्रेज थारो हुनर भारी ओ,
के काली टोपी रो।।,,,,,,,2