चंग फागण 2020

राम राम सा
चंग फागण
1
खरन्टीया रा महन्त बाबा
गादियौ विराजें ओ,,,,,,2
गादियौ विराजे चैलौ छ्ँवर
ढौळै ओ के गादी अमर रै,,,,,2
मोल ~~गादी अमर रै
छौटकियौ छेलो छँवर ढौले ओ
के गादी अमर रे।
2
चौपडौ रे जोड मे गुर्जर
रे गैडी वाई ओ,,,,2
गुजर चढ़ीया घोड़ला
जौधाणे आवे ओ के गुजर मारियौ,,,,,2
मोल ~~गुजर मारियौ
राजोजी  गायो सुन्नी जाई ओ
के गुजर मारियौ,,,,2
3
हाथा रा कारीगर वो तो
रुपारेल मौन्डो ओ,,,,2  
सोमली हवेली  भाया
मोर मान्डौ ओ के लिली पाँखा रौ
मोल ~~लिली पांखा रौ
मोरियौ मेवासी बौले ओ
लीली पाँखा रौ
4
सोना रो माँदलियो माता
पारबती ने सोवे यो,,,,2
मोटी मोटी माला तो
शंकर ने सोवे हो के कीकर पोऊ ओ,,,2
मोल~~कीकर पोउ यो
हरी रो डोरो वद वद जावे हो
कीकर पोऊ ओ,,,,,2
5
मकरौणे रो धोलो भाटो
रेल में भरिजे यो,,,,,,,2
रेल में भरिजे ने
रूनिचे जावे हो के रामपीवर रे,,,,,2
मोल~~रामपीवर रे
रूनिचे घुड़लो थौरौ  घूमे हो
रामपीवर रे,,,,2
6
केशरिया पोता रौ अलम
रातेनाडे गलियो ओ,,,,,2
जौधाणे री कसैडी कसुम्बो
गलियो ओ, के गिरदी कोरट मे,,,,2
मोल ~~गिरदी कोर्ट मे
गलियोडौ अलम चौखो लागे ओ alter
गिरदी कोर्ट मे ,,,,2
7
उगता सूरज रे हेटे
सेन्स किरणो देखी ओ,,,2
द्वारका रे मारगिये खरताल
देखी ओ के  रमतौ साधुडौ,,,,,,2
मोल ~~रमतौ साधुडौ
........................  altr
रमतौ साधुडौ
8
राजा थारी धरती माथे
नवो मन्दिर वणियो ओ,,,2
नवो मन्दिर वाणियो साधु
माला फेरे ओ राजूराम जी ,,,,,2
मोल~~ राजूराम जी
भाटा री कुण्डी अदर तारे
ओ के राजाराम जी ,,,,,,2
9
पोतियौ रन्गायो छैला
कोई दाम दिनौ ओ ,,,,2
छाती सुमणौ टोगड़ियो छिम्पा
ने दिनौ ओ के घर री गायौ रौ ,,,,2
मोल ~~घर री गायौ रौ
तौम्बाडौ करने लारे आयौ ओ
के घर री गायौ रौ,,,2
10
भावी  ने बिलाड़ा बीस मे
लौम्बी सड़को गाली ओ,;,2
लौम्बी सड़को घाल ने
चलाइ गाडी ओ ; के बिना बळदो री,,,2
मोल ~~ बिना बळदौ री
अंगरेज थारौ हुनर भारी रे
की बिना बळदौ री,,,,2
11
दारु रे भरियौड़ौ सिन्सौ
जाजम माथे पडीयो ओ,,,,2
सोना री कटारी माथै
हाथ पडीयौ ओ के भाई मारियौ,,,2
मोल ~~भाई मारियौ
जाजम री कौर खाली वैगी ओ
भाई मारीयौ,,,,2

होली चंग फागण 2020

राम राम सा
होली चंग  फागण
0
पैलोड़ो परसौ तो बाबा
अजमल जी ने दिदौ ओ,,,2
कुन्कु वाला पगलीया
मन्डाय दीदा ओ के कँवर अजमल रौ
मोल ~~कँवर अजमल रौ
रूणुजे अवतार लिदौ रे
कँवर अजमल रो

1
पेहलो ड़ौ परसो तो माता
मैणादे ने दिनौ ओ,,,,2
उपणतोडो दुध तो ढबाय
दिदौ ओ, के कवँर अजमल रौ,,;2
मोल ~~कँवर अजमल रो
रुणुजे अवतार लिदौ ओ
के कँवर अजमल रो ,,,,2
2
दुजुड़ौ परसो तो बाबा
दरजिडा ने दिदौ ओ,,,,2
कपड़ा वालो घोड़लियौ
उड़ाय दिदौ ओ, के कँवर अजमल रौ,,,,2
मोल ~~कँवर अजमल रौ
रूणुजे अवतार लिदौ ओ
कँवर अजमल रौ
3
तिजोड़ौ परचो तो बाबा
वौणीया ने दिदौ ओ,,,,,2
समदौ मे डुबोड़ी जहाज
पार लगाई ओ कँवर अजमल रौ,,,2
मोल~~ कँवर अजमल रौ 
रूणुजे अवतार लिदौ ओ
कँवर अजमल रौ ,,,,2
4

चौथौडौ परसो तो बाबा
वणजारा ने दिदौ ओ,,,,,2
मसरी सूँ भरियौड़ी बाळद
खारी किदी ओ के कँवर अजमल रौ,,,,2
मोल~~ कँवर अजमल रौ
रूणुजे अवतार लिदौ ओ
के कँवर अजमल रौ
5
पाँचवो परसो तो बाबा 
वोन्जियौ ने दिदौ ओ,,,,,,,2
इण वोन्जियौ रा पालणा
बन्धाय दीना ओ के कँवर अजमल रौ,,,2
मोल~~ कँवर अजमल रौ
रूणुजे अवतार लिदौ ओ
के कँवर अजमल रौ
6
छठौड़ौ परचो तो बाबा
पाँच पीरो ने दिदौ ओ,,,2
मक्का रे वाला कटोरा
मंगाय दीना ओ के कँवर अजमल रौ,,,,2
मोल~~ कँवर अजमल रौ
रूणुजे अवतार लिदौ ओ
के कँवर अजमल रौ
7
सातवौ परसो तो बाबा
भैरूडा ने दिदौ ओ,,,,2
भाकरिये चढ़तौडो भैरू
पासौ लायौ ओ के कँवर अजमल रौ,,,,,2
मोल~~ कँवर अजमल रौ
रूणुजे अवतार लिदौ ओ
के कँवर अजमल रौ
8
आन्ठवौ परसौ तो बेहनड़
सुगणा बाई ने दिदौ ओ,,,,2
मरियौड़ौ  भाणेज ने
जिवत किदौ ओ ,के कँवर अजमल रौ
मोल ~~कँवर अजमल रौ
रूणुजे अवतार लिदौ ओ
के कँवर अजमल रौ
9
दसवाँ परसौ तो बाबा
रूपादै ने दिदौ ओ,,,,,2
थाली माई वाग लगाय
लगाय दिनौ ओ के कँवर अजमल रौ,,,2
मोल ~~कँवर अजमल रौ
रूणुजे अवतार लिदौ ओ
कँवर अजमल रौ,,,,,2