धरम री बाड़ रूखाळ करै माण-मरजादा री काण-कायदा री रीत- रिवाजां री तीज- तिंवारा री धरम री बाड़ रूखाळ करै रिस्ता-नातां री गांव-गवाड़ी री खेत-खळां री देस-दिसावर री धरम री बाड़ रूखाळ करै राज-समाज री लाज-सरम री बिणज-बौपार री जलम-मरण री धरम री बाड़ रूखाळ करै भूल्या-भटक्यां री पापी-दुस्मियां री जीव-जिनावरां री भूखा-तिरसा री धरम री बाड़ रूखाळ करै भाईचारै-मिनखाचारै री बोल-बतळावण री नाप-तोल री जस-अपजस री धरम री बाड़ रूखाळ करै भूंड-भलाई री ब्यांव-सगाई री मोट-मिजाज री मान-गुमान री धरम री बाड़ रूखाळ करै पढाई-लिखाई री गुण-औगण री पाप-पुन री सरग-नरग री धरम री बाड़ रूखाळ करै गढ-कोटां री हाट-बजारां री घर-गळी री हरख-बधावै री धरम री बाड़ रूखाळ करै सील-सुभाव री सत-पत री आस-औलाद री जात-पांत री धरम री बाड़ रूखाळ करै सूरां-वीरां री साधु-संता री हठ-हठीलां री प्रण-पक्कां री धरम री बाड़ रूखाळ करै हेत-हेताळूवां री प्रीत-प्रीतम री राग-सौरठ री कवि-कलमा री धरम री बाड़ रूखाळ करै दसूं-दिसावां री न्याव-अन्याव री जोग-संजोग री भाग-दुरभाग री