वक़्त बदलते देर नहीं लगती
इसीलिये कभी हद से ज़्यादा "फूलो मत"
और
अपनो को कभी "भूलो मत"...!!
राजस्थानी बातां
मारवाड है म्हारी धरती
मारवाड है म्हारो देस
इण म्हारी धरती माते
सब रा रंग रंगीला वेस
जाती सब री अलग भले ही
पर एक है खान पान
मेहमान आवे घर में जद
लागे आयो कोई भगवान
कोई अटे जाट है
तो कोई है देवासी
पूछो जणे जवाब देवे
म्हे हो मारवाड वासी
लापसी रो स्वाद अलग है
तो खाटो लागे भारी
राबोडी अटारी जान है
केर सांगरी री रंगत न्यारी
हल्दी रो तो जवाब कोनी
आतो है दवाई
साग वणे घर में जद
शाबासी पावे लुगाई
मारवाड री बात मत पूछो
मारवाड री होड कोनी
आवे अटे एक बार
वो भूल जावे सबोनी
एडो म्हारो मारवाड है
ओ है म्हारो देस
हर कोई रो स्वागत है
एक बार पधारो म्हारे देस
कोई टिप्पणी नहीं:
एक टिप्पणी भेजें