सरपंचा रा चुनाव आ रीया है 2020

सरपंचा रा चुनाव  आ रीया है ॥
चुनावा रा तो अता-पता ईं कौनी पण लोग तो तैयारियाँ करवाय रीया है ।। फेसबुक वाट्सअप ऊपर भावी उम्मीदवारा रा फोटो विडियो चलाय रीया है ।। सूता पड़ीया गांव रा लोगा ने जगाय रीया है ॥ घणा लोग सरपंच बणबाने खूरमरयौ खाय रीया है ॥हाथ जोड़े पगा पड़ै मिनखा ने समझाय रीया है ॥जात री धर्म री रीस्ता री दूहाइ दैय रीया है ॥आडे दिना बोले कोनी;आडा फिर स्कोर्पियो मे बैठाय रीया है ॥कार्यालय खुलगा चाय अमल दारू री मनवारा चलाय रीया है ॥
दोन्यु टेमा सब्जी पूड़ी और लाडुड़ा गटकाय रीया है ॥ कोई ने वार्डपंच कोई ने सरपंच कोई ने प्रधान बणाय रीया है ॥गांव रा लोग समझदार होग्या सबकी हाँ मे हाँ मीलाय रीया है ॥गांव मे ठाला बैठया ने गाड़ीया मे भर भर घूमाय रीया है ॥कोई ने पव्वो कोई ने अधो कोई रे बोतल सरकाय रीया है ॥ गांव रा लोग नटे कौनी जो लारै रीयो है बिनेही जिताय रीया हैपुराणा पंच बण ठंण ने कार्यालय जाय रीया है ॥ किणा कन्ने  कित्ता  वोट है उमीदवारा ने बताय रीया है ॥ खरचो करो तो वोट घणाई आ राजनीति समझाय रीया है ।