कियां बैठ ने बात करां
भागम-भाग हुई जिंदगाणी, अबै चौपालां री बात कठै
देर रात तक पड़ै जागणो, मुद्दत स्यूं देखां प्रभात अठै
ऊभ्यो आणो पड़ै भीड़ में, किण बिद सीधी लात करां
कियां बैठ ने बात करां.........
कदैई हथाई करी बड़ेरा, अब तो करणी हाथापाई है
दुख-सुख में आडो आणै री, असल बात बिसराई है
होडम-होड लागी सगळां में, इज –दूजै नै मात करां
कियां बैठगै बात करां........
ओखो मौको मिलै कदै, करसां होटल में खाणो-पीणो
देर रात तक डांस पार्टी, मौज-मस्ती री ओ है जीणो
नवैं जमानै रो फलसफो है, दिन स्यूं उजळी रात करां
कियां बैठ ने बात करां.......
कोई टिप्पणी नहीं:
एक टिप्पणी भेजें