बुधवार, 17 अप्रैल 2019

कहो दिल से गज्जू बन्ना फिर से

।। राम राम सा ।।
बरस हज़ारूँ बीते ज़द,हुवे धरती पर एक देव !
लोग ऊणनें समझ लेवे तो,पूजा करे  सदेव !!
देवाँ री इण धरती माथे,फ़रिश्ते सूँ वो कम नहीं !
आख़ी दुनियाँ नमें ऊणनें,भारत भर में क़द्र नहीं !!
स्वर्ग बणावण आवियो,भारत भर नें आज !
समझो भायाँ समझलो,वगत वगत री बात !!
सब देवाँ तो ‘शक्ति’ दी है,नरेंद्र भाई नें ख़ास !
हिंदुस्थान रे समझदार नें,है आपसूं आस !!पाछो मौक़ो जे देवाँला,पूरा होसी काज !
नरेंद्र भाई रे पी.एम.बणिया,आसी राम राज !!
चोरां वाली गेंग मिळनें,महागठबंधन बणावे !
देस सूँ उणानें मतलब नीं,मोदी पाछो नीं
आवे !!
बाज़ी थाँरे हाथ माँय,चुकाँ पचे चोरासी !
भारत माता ख़ुद रोवेला,कोंग्रेस जे आसी !!
एक पार्टी दिन रात,देशहित में काम करे !
चोरां वाली दुजी पार्टी,आप आपरो घर भरे !!
कोंग्रेस में एक ही बात,वंसवाद नें बढ़ावे !
ख़ावो अर खावण दो,ओ सिद्दाँत अपनावे !!
साफ़ सुथरी छवि वाला,पढ़िया लिख्या नें टिकट दिया !
देश रो प्रतिनिधित्व करसी,इण बात नें भुलां कियाँ  !!
जौधाणै रा लाडला सांसद,अपणायत री है ख़ाण !
नरेंद्र-गजेंद्र री आ जुगल जौड़ी,और बढ़ासी मान !
गज्जू बन्ना है ठावा मिनख,करसी लोगाँ रा काम !
पाछा उणाने है लावणां,ज़द हिज रहसी नाँव !!
‘शक्ति’ लिखिया शब्द ऐ,मिनखाँ री है जाण !
राज पाछो है लावणौ,ज़द हिज रहसी साण !!
जय हिंद जय भारत जय भारत स्वाभिमान

कोई टिप्पणी नहीं:

एक टिप्पणी भेजें