पणिहारी
माथै मटकी मेल मन ही मन मुळकावै जी ,
आभो झुमै ,हेथै,धरती ,गीत प्रीत रा गावे जी .
लुंब-लुंबाळी ईढाणी बैरै,ज्यू चंदा री कोर जी ,
इण भांत उडै ओढणियो .जाणे सावणियै रा लोर जी ;
नखली सु पगिया सजियोडा ,मैन्दी रचिया हाथ जी'
बिंदिया रै मिस चाँदड़लो ,चूमै गौरी रो माथ जी ;
घाघरिया री लड़ में बैरै घुम्मर घालै मोरियो ;
लाल कसुमल ओढ़णों बैरो ,कुण जाणे कुण कोरियो .
चंचल नैण चकोरी जड़ घुंघट में शरमावै जी
काजळीया री कोर बैवता मिनखा रा हिवड़ा भरमावे जी'
हाथण ज्यू मतवाळी चाला,लगी चालण नै .,
रुण झुण पग री पायलिया ,जद लागी बाजण नै
कोई टिप्पणी नहीं:
एक टिप्पणी भेजें