।।राम राम सा।।
बे बातां
-----------
माथो गोलमटोल रेंवतो
बिचमें रेंती चोटी।
दूध दही रा ठाट रेंवता
घी में गचगच रोटी।
-----------
माथो गोलमटोल रेंवतो
बिचमें रेंती चोटी।
दूध दही रा ठाट रेंवता
घी में गचगच रोटी।
साबुण तेल री कठै जरुरत
नाडी पर न्हायांता।
कपडा झिबल सुखाय लेंवता
खंखोली खायांता।
नाडी पर न्हायांता।
कपडा झिबल सुखाय लेंवता
खंखोली खायांता।
आठानां रा पाव वड़ा म्हैं
खडा खडा खाय आता।
पगरखी में पाणीं लेकर
दो नंबर जाय आता।
खडा खडा खाय आता।
पगरखी में पाणीं लेकर
दो नंबर जाय आता।
लूट लूटकर मांझो ल्यांता
पछे लगांता गांठां।
पाठा फाड पतंग बणांता
बो काटा बो काटा।
पछे लगांता गांठां।
पाठा फाड पतंग बणांता
बो काटा बो काटा।
चौमासा में बिरखा आंती
खोल भगांता गाबा।
नंग धडंग नाचता गांता
म्है बाबा म्हे बाबा।
खोल भगांता गाबा।
नंग धडंग नाचता गांता
म्है बाबा म्हे बाबा।
पाटी भडता पोथी लेकर
पोसालां में जांता।
गुरुजी नें देख आंवता
म्हैं मिनक्यां बण ज्यांता।
पोसालां में जांता।
गुरुजी नें देख आंवता
म्हैं मिनक्यां बण ज्यांता।
कान पकडकर मुरगा बणता
ऊपर पडती लातां।
टाटपट्यां गीली कर देंता
याद आवे बे बातां।
ऊपर पडती लातां।
टाटपट्यां गीली कर देंता
याद आवे बे बातां।
इचक दाणां बिचक दाणां
गांता फिलमी गाणां।
बारे बांडायां कर लेंता
घर में रेंता स्याणां।
गांता फिलमी गाणां।
बारे बांडायां कर लेंता
घर में रेंता स्याणां।
लारे डब्बा बीस लागता
खुद इंजन बण ज्यांता।
सिंगल री परवा नीं करता
छुक छुक रेल चलांता।
खुद इंजन बण ज्यांता।
सिंगल री परवा नीं करता
छुक छुक रेल चलांता।
गुदडां में लुटता हंसता
अधगेला हो ज्यांता।
आडा टेढा पसता पसता
दस भेला सो ज्यांता।
अधगेला हो ज्यांता।
आडा टेढा पसता पसता
दस भेला सो ज्यांता।
तिरसिंगजी सुं डरता कोनीं
बिनां बात भिड ज्यांता।
भाटा फेंक भागकर मां री
गोदी में भड ज्यांता।
बिनां बात भिड ज्यांता।
भाटा फेंक भागकर मां री
गोदी में भड ज्यांता।
रेत मांयनें रामत मंडती
दिनभर मौज मनांता।
न्हाय धोयकर घर सुं जांता
भूत बण्योडा आंता।
दिनभर मौज मनांता।
न्हाय धोयकर घर सुं जांता
भूत बण्योडा आंता।
सदा सुरंगा दिन हूंता हा
सदा सुहाणीं रातां।
मिनख तो बो ही है पणं
कठै रिवी बे बातां।
-------------------------------
सदा सुहाणीं रातां।
मिनख तो बो ही है पणं
कठै रिवी बे बातां।
-------------------------------
कोई टिप्पणी नहीं:
एक टिप्पणी भेजें