राम राम सा
फुली बाई
अबार इया ही बात करता थका फुली बाई रो नाव सुण्यो हो
म्हे तो फुलीबाई रे बारे मे अत्तो जाणतो , जत्ती सूचना मने लादी
बत्ती अठे मांडु हु | थाने अरज ह के जदी थार कण और सूचना होवे थो मणे भिजावो |
फुली बाई जोधपुर कणे री राम-भगत ही, बस राम-राम करती अर थेपडी थापती |
एकर बिरी थेपडीया एक लुगाई चुरा ली | जद फुली बाई न ठा चाल्यो, थो बे बीण् लुगाई कन गिया
अर केयो कि म्हारी थेपडीया पाछी कर | अत्तो सुनता ही बा लुगावडी फुली बाई हु लडबा लागी |
जद लोग भेला हुग्या अर फुली बाई हु पुछ्यो क
थाने किया ठा के थारी थेपडीया इ कने है। भगत फुली बाई केयो के म्हारी थेपडीया फोडस्यो जद राम -राम
करसी | लोग अचरज माय पड्ग्या | थेपडीया फुटता ही राम-राम करे | सगळा न फुली बाई री
भगती रो परचो मलग्यो |
आ बात बठे री राणीया कण पूगी, बे फुली बाई रे कण जोधपुर आबा रो संदेसो खिणायो|
फुली बाई जोधपुर पधारी, जद राणीया बाणे केयो के म्हाणे ही कि परवचन सुनावो |
"गैणो-गाठो तन री सोभा , काया माटी रो हाण्डो |
बैठी काई करो ये , राम भजो ओ रांडो |"
अत्तोक परवचन देर, फुली बाई थो आपका पाछी गी अर थेपडीया थापबा माय रमगी |
कोई टिप्पणी नहीं:
एक टिप्पणी भेजें