।। राम राम सा ।।
सगला फेसबूक मित्रो भाईयो बहिनो
••••••••••
सगळा भाई बहना सूँ निवेदन है कै मेरी वाल पर सात दिनाँ री कथा रो आयोजन राख्यो गयो है अत:कथा को लाभ उठाओ अरै अठै जगह खाली करके आगोतर सुधारै
आज की कथा को प्रसँग है
ऋषि नारद का बैँकुट लोक मे भगवान से मिलणा
एक समय की बात है कै नारद जी बैकुट लोक मे भगवान कने जा के भगवान स्यू बोल्या कै त्राहीमाम प्रभु मेरी घोर समस्या को निवारण करो
भगवान बोल्या कै नारद तुँ ईतो डरतो थकौ साँस उठेङो कीकर लागै बोल काईं समस्या है ?
नारद जी बोल्या के प्रभु देव लोक मे तो मने झुठ बोलण वास्ते पराया भाटा भिङावण वास्ते तेरी मेरी चुगली चाळा करण वास्ते सिर्फ असुर लोक मे ही जाणो पङै पण कळयुग मे तो मनै घर घर जा के झुठ बोलणो पड़ेला घर घर भाटा भिङावणा पड़ेला चुगली चाळा करणा पङसी तो काम म्हारे एकलै आदमी सूँ कीकर पुरो पड़े ला कोई उपाय बताऔ
भगवान बोल्या कै नारद इती छोटी सी बात वास्ते तूँ ईतो व्याकुल होग्यो ?
कळजुग मे मै तनै एक एड़ौ हथियार देवुला कै तनै कठै ही कोनी जावणो पङैला एक ठिकाणे बैठो बैठो काम हुई जावेला और ऊण हथियार ने प्रजा सहस्त्र नाम सूँ पुकारेला ईतरौ कह के भगवान कमरे मे जाय ने एक थैलो भरयौङो ल्याया अरै नारद रे हाथ मे पकङा दियो नारद थैलै ने खोल ने देख्यो तो हथियार सूँ भरयौङो हो अरै ऊणरे उपर सहस्त्र भाँत रा नाम लिखियोड़ा हा । कोई पर NOKIA कोई पर Samsung ,mi ,redme कोई max Motorola , Vivo, Apple, OPPO ,LG अरै भाँत भाँत रा नाँव देख ने नारद जी प्रसन होग्या अरै भगवान स्यू बोल्या कै प्रभु न्याल कर दिया अब झुठ बोलण वास्ते मनै घर घर कोनी फिरणो पङै सारो काम एक जगह बैठ्यो कर लेवुला
इति समाप्ति श्री खँण्डे प्रथमोध्याय पुर्ण्ं
बोलो कळजुग अवतार की जय
बाकी कालै कथा सुणने आवण वाळा भक्त आज ही आपरौ नाम लिखा देवे
नोट
-कथा मे टिँगराँ ने साथ ना लावे अवै बिन्या काम सूँ पाणी ढोळता फिरै अर लोगाँ री चम्पल बिखेरता फिरै
माता बहनो से निवेदन है के प्रसाद लिये बिना नहीं जावै टिँगराँ ने खौला मे राखै
नही तो पङयो ग्यो कोई टिँगर भाँत भाँत रा कुशमादी रे पगा रै निचे दब ज्यावै ला
कथा कल का समय रात्री 7 बजे होगा
जय श्री कृष्णा
कथा स्थान गुमना राम चौधरी रे फेसबुक पेज रे पोस्ट द्वारा संचालित करिजेला
और आप सब भाया सूँ विनती है कि म्हारे पेज ने लायक करबौ करो
आपरौ हितेषी मित्र गुमना राम चौधरी सिनली
कोई टिप्पणी नहीं:
एक टिप्पणी भेजें