मंगलवार, 9 अगस्त 2016
सावन में रिमझिम
“सावण री बरखा"
चिड़पिड़ चिड़पिड़ पड़े फुहार,
कीचड़ होग्या गांव में !
नाळी भरगी, तळाव भरग्या,
भरग्या जोहड़ गांव में !!
पीपळ फूट्या, जांटी फूटी,
फूट्या नीम गुवाड़ म्हं !
रस्ते आळी कीकरां फूटी,
हरयाळी होगी उजाड़ म्हं !!
टाबर न्हावै करै किलोळ,
जावै तिसळन तालां म्हं !
कछड़ी पै'र फिरै सारा,
लाली दीखै गालां म्हं !!
चर-चर करती चिड़कल्यां,
गावै गीत सावण रा !
मोर नाचै छातौ ताण,
संदेशो बादळ आवण रा !!
सगळी गौरियां हिंडण चाली,
मोट्यार पाछै आवै !
गौरवं म्हं हिंडौ मांड्यौ,
रळमिळ हिंडौ हिंडावै !!
सावण गी बरखा आच्छी,
खेत फसल लहरावै !
टाबर जबर डोकरा सगळा,
काकड़ मतीरा खावै !!
सदस्यता लें
टिप्पणियाँ भेजें (Atom)
कोई टिप्पणी नहीं:
एक टिप्पणी भेजें