चंग फागण 2020

राम राम सा
1
नदियो रै पैलौड़ी तीर
जुनौ जोगी तापे ओ,,,2
हाथ मे सौकलियौ लैने
जमियौ नापे ओ के मुण्डा रौप दौ,,,2
मोल ~~मुण्डा रोप दौ
दुनिया रौ जगड़ौ मेट दौ altr
के मुण्डा रौप दौ,,,,2
2
नारकिया थाकौडा वै तौ
गौळ रौ वौन्टो दैऊ ओ
पौणती थाकौडौ वै तो
लाडू सौन्धु ओ भेळ मैथी रौ
मोल ~~भेल मैथी रौ
,,,,,,,,,,,,,,,,,,,,,,,,,,,,,,,,,,,,,,,altr
भैल मैथी रौ
3
चांदनी चवदस रा राजा
रोपणी रोपाई ओ
रोपणी रोपाई राजा
होली बाली ओ आयौ उनालौ
मोल ~~आयौ उनालौ
घुन्घटीया मे गरमी होगी ओ
के आयो उनालौ
4
आऊआ रा अमली राजा
बौमणी घर घाली ओ
महलों चढ़ती बौमणी
सराप दिदौ ओ के बलजौ आऊऔ
मोल ~~बलजौ आऊऔ
आऊआ री जागा गऊओ चरजौ ओ
के बलजौ आऊऔ
5
एक तो नन्गारो धणियौ
रातेनाडे वाजै ओ,,,2
दुजुडो नन्गारो धनीयौ
गेट वाजे ओ के गिरदी कोर्ट मे ,,,2
मोल ~~गिरदी कोर्ट मे
मेहलौ मे राणी सूरज पूजे ओ
के गिरदी कोर्ट मे ,,,,2
6
रैशम री तणीयौ रौ हिन्डौ
आम्बली रे बादौ ओ,,,,,,,,2
ठाकर ने ठकराणी दौनु जौडे
हिन्डे ओ ,के हिन्डौ हौले दौ ,,,,2
मोल ~~हिन्डौ हौले दौ
खौळा मे कवँर जी हिन्डे ओ
हिन्डौ हौले दौ,,,,,2
7
नैणौ रौ सिणगार काजल
कुम्पली मे रेगौ ओ,,,,2
तीज रौ सिणगार  तो
पैटी मे रैगौ ओ तालौ लागौडौ ,,,,2
मोल  तालौ लागौडौ
सासुजी आगे कीकर खौलू ओ
तालौ लागौडौ ,,,,,,2
8
अलगा रौ ढीमड़ीयो थारै 
आणौ जाणौ खौटो ओ,,,,2
मारग मे मसौण ने
भुतौ रौ डेरौ ओ डरजौ मती ओ,,,,2
मोल ~~डरजौ मती ओ
मान्दलियौ मन्तराय दैवू ओ
डरजौ मती ओ ,,,,,2
9
चार महिना ऊनाळौ
आन्धी ने वावळ वाजे ओ,;,,,2
चार महिना चौमासौ भादरवौ
वरीयौ ओ के वणियौ बळगी ओ,,,,,,2
मोल ~~ वणियौ बळगी ओ
आसौज वालौ झौलौ वैग्यौ
वणियौ बळगी ओ,,,,,2
10
पंचौ री हथाई माथै
गलियौ अलम वैवै ओ,,,,,2
ठाकरसा री पौल मे
दारूडौ वैवै ओ जूनी भटियौ रौ,,,,,2
मोल~~ जूनी भटियौ रौ
सालौ ने बैनौई पीवै ओ
जूनी भटियौ रौ,,,,,,2
11
पीतल रौ घड़ौलीयौ
नाली रे मुंडे पडीयो ओ,,,,2
सोना री इन्डोनी बैर
पौणी भरियौ ओ मीठा वैरा रौ,,,,2
मोल ~~मीठा वैरा रौ
राम रै  रसौडे जावे ओ
मीठा वैरा रौ ,,,,,,2