श्री श्री राजाराम जी महाराज द्वारा की गई भविष्यवाणीयाँ जो आज से 100 वर्ष पूर्व की गई थी ,जो आज सत्य सिद्ध हो भी गई है और हो भी रही है ।
"सुणजो रे संसारी लोगों ऐसा जमाना आवेला ।।
धर्म पुण्य में ध्यान न धरसी , पाप घणो बध जावेला ।।
देवों ने पूजे नहीं पापी , गोविंद ने नहीं गावेला ।।
गंगा गयो पाप घण लागे , पापियों फरमावेला ।।
दया कियां तन दरद उपजे , दान किया दुख पावेला ।।
पंडितों ने पूछे न कोई , गुरडा वेद सुणावेला ।।
चेलकिया गादी चढ बैठे,गुरुजी ने ज्ञान सुणावेला ।।
भाई ने भाई नहीं जाणे , दुसमण जीऊं देखेला ।।
बेटा बाप रो केयो नी माने , घुड्क तणा अखडावेला ।।
बुढलिया में अकल नहीं अब , पागल के बतलावेला ।।
नेम धर्म अरू कर्म तज देसी सब दिन टका कमावेला ।।
ईश्वर ने ईश्वर नहीं जाणे , आप ब्रह्मा बण जावेला ।।
महामारीऔर हेजो पङसी हाहाकार मच जावेला
।।
काली मात चलावे चक्कर ,भेरू धमक बजावेला
।।
स्त्रियां गेणो तज देसी , दो दो चूडी राखेला ।
स्वाग भाग सब छोडने बेना , केशो ने सुलजावेला ।।
जाँत पात री रीत न रेसी , एक जात बण जावेला ।।
भांभी भील सरगरा संग में ,भंगी भोजन पकावेला ।।
राजाराम कहे मेरे बंध्वा कर्म धर्म हट जावेला ।।
कुदरत ऐसी आय बणेला , सभी एक होय जावेला ।।
कोई टिप्पणी नहीं:
एक टिप्पणी भेजें