रंगीलो राजस्थान-बे ही मिनख हा

बे मिनख - बे लुगायां
मिनख
बे ही मिनख हा जका भाटां सु किला बणाय दिया।
बेही मिनख हा जका भाखरां सुं रास्ता निकाल दिया।
बे ही मिनख हा जका घी पीर डकार नी लेता ।
बेही मिनख हा जका काम कर देता पणं की नी लेता।
बेही मिनख हा जका माथा सूं मूंण फोड़ देता ।
बेही मिनख हा जका मुक्का सु भीत तोड़ देता ।।
बेही मिनख हा जका धोती लोंटा में घर छोड़ देता।
बेही मिनख हा जका नखां सुं नाडीयां खोद देता ।।
बेही मिनख हा जका खांदा पर बोरी धर ल्यांता ।
बेही मिनख हा जका इज्जत री खातर मर ज्याता।।