रंगीलो राजस्थान- बे ही लुगायां ही जका....

बे लुगायां
बेही लुगायां ही जकी मणं दो मणं पीस लेती ।
बेही लुगायां ही जकी पताल सुं पाणी सींच लेती।।
बेही लुगायां ही जकी माथा पर खरल्या धर ल्यांती।।
बेही लुगायां ही जकी कोसां सुं मटक्या भर ल्याती।।
बेही लुगायां ही जकी पचासां ने पोर घाल देती ।
बेही लुगायां ही जकी दस-दस टाबरीया पाल लेती।।
बेही लुगायां ही जकी मोड़ा पर खड़ी नहीं रेती ।
बेही लुगायां ही जकी निकम्मी दो घड़ी नहीं रेती।।
बेही लुगायां ही जकी रात भर गीत गाय लेती ।
अर दिनूं का पूड़यां बंट बंट ने जान जिमाय देती ।।
तिवाड़ी , तारां ने देखर टेम बताय देती ।
बाता भी करती जाती अर माथो भी गुथांय लेती ।।
बेही लुगायां ही जकी हवाई जहाज में सफर करयाती
पण अपणी मान मर्यादा संस्कार  नी भुल्या करती ।।
बेही लुगायां ही जकी चरको चलाया ऊन कात लेती ।
बेही लुगायां ही जकी घर बेठी-बेठी जर्सी बणाय देती।।
बेही लुगायां ही जकी नूं नायो दूध जमाय देती ।
प्रभाती भोर उठ न दही न झाड़ लगाय लेती ।।
बेही लुगायां ही जकी केर सांगरी  ले आती।
सांग नी होवतो तो बड़िया बणाय लेती ।।
बेही लुगायां ही जकी सासू मां र पगे लाग्या करती ।
देखण रो चाव हूवतो तो काणौ काढलिया करती ।।
बे ही लुगायां .......................................!!
बिण टैम ने ............................... नमन है!