आयो राज लूगायां रो

:- आयो राज लुगायां रो -:
बेबीकट तो बाल बणाया, चोटी चढगी चोबारे ।
छैल भंवर सा किक मारे अर मेडम बैठ गईं लारे।।
अब तो गयो जमानो भायां रो अब आयो राज लुगायां रो ।
बेटी की सर्विस लाग गई अब घटग्यो मान जवांयां रो। अब आयो राज लुगायां रो...!
मनें साढ़े पांच जगा दीज्यो, ताजी सी चाय बणा दीज्यो ।
म्हारे तातों पाणी कर दीज्यो, नान्या ने हीण्डो दें दीज्यो ।
छोरा ने खांसी चाले है, रखज्यो ध्यान दवायां रो। अब
नहा धोकर के मेकअप करके बा घर सुं निकली बण ठण के ।
स्कूटी पर बेठी जमके बा चली गई टाटा करके
जांती जाती भोलाय गईं बा धंधों साफ सफाया रों।अब आयो .....।
दफ्तर में मिलगी चार जण्यां आपस में गप्पां हांके है।
कोई उलज्या बाल संवारे है कोई चीणां चबीणा फाके है ।
आफिस में थेलो खोल लियो है स्वेटर और सलाया रो। अब तो आयो...।
टाबरीया बांटा जोवे है मेडम कद पाठ पढावेला ।
आई है इण्टरवेल पछे छुट्टी सुं पैली जावेला ।
बांता सुं ही फुरसत कोंनी कुण राखे ध्यान पढ़ाई रो। अब तो आयो राज .....।
पाछीं घर में पंग रखता ही घंटा दो घंटा रेष्ट करे ।
काचा पाका आडा टेडा फलका ने खाकर टेस्ट करे ।
सब्जी मे मिर्चा ज्यादा है मूंगा री दाल अलूणी है ।
थामें कद लखण आवेला , कढी में हल्दी दूणी है ।
मां बाप सिखायो ही कोनी धन्धो थाने हलवायां रो । अब तो आयो राज.....।
तनखा मिलां ही सण्डे रा शापिग करबा ने जावे है।
बालम जी थेला बड़ा बड़ा खांदा पर धरने ल्यावे है।
जो केंता हा पग री जूती काई हाल होयग्यो लाया रो ।
अब तो आयो राज......।
ऐ पति बण्या देखें फोडा रेवे है मुडां उतरयोड़ा ।
जे कदे पति परमेश्वर हां वे आज हुया ढोली घोड़ा ।
अब रगं फीको पड़बा लाग्यो है सुट बुट अर टाया रो ।
अब आयो राज .....।
टीना मीना रीना लीना मेरीट में आवे रोजीना ।
नोकरीया आने मिल ज्यासी मरदांरा भाव घटा दीना ।
ठेको देणो पड़ ज्यावेला छोरा री ब्याव सगायां रो । अब आयो राज......।
घर घर की आही काणी है मोटयार भरे अब पाणी है।
पत्निव्रत धर्म निभाणों है जोड़ा सुं सरगां जाणों है ।
मेडल थाने मिल ज्यावेला मेडम रो हुकम बजायां रो ।
अब आयो राज......।
आरक्षण मिलग्यो घर बेठां मोटयारां थे रीज्यो सेठां ।
मुछ्यां ने साफ करा लीज्यो चूड़ी रो नाप दिरा दीज्यो।
कीचन री ट्रेनिंग दे दीज्यो लर्निग लाईसैंस बणा लीज्यो । गांववालो शरम नहीं करणी थे कुणसा बींद पराया हो । अब आयो राज.......।