हरी थारा नाम हजार,
सांवरिया रा नाम हजार,
बनवारी थारा नाम हजार,
मैं कैसे लिखू कंकु पत्री।।
कोई केवे यशोदा रो,
कोई केवे देवकी रो,
कोई केवे नंदजी रो लाल
कैसे लिखू कंकु पत्री,
सांवरिया थारा नाम हजार,
मैं कैसे लिखू कंकु पत्री।।
कोई केवे बंशी वालो,
कोई केवे मुरली वालो,
कोई केवे गाया रो ग्वाल,
कैसे लिखू कंकु पत्री,
सांवरिया थारा नाम हजार,
मैं कैसे लिखू कंकु पत्री।।
कोई केवे राधा पति,
कोई केवे रुक्मण पति,
कोई केवे गोपियों रो श्याम,
कैसे लिखू कंकु पत्री,
सांवरिया थारा नाम हजार,
मैं कैसे लिखू कंकु पत्री।।
कोई केवे मथुरा वालो,
कोई केवे गोकुल वालो,
कोई केवे द्वारिका रो नाथ,
कैसे लिखू कंकु पत्री,
सांवरिया थारा नाम हजार,
मैं कैसे लिखू कंकु पत्री।।
कोई केवे बनवारी,
कोई केवे गिरधारी,
कोई केवे त्रिलोकी रो नाथ,
कैसे लिखू कंकु पत्री,
सांवरिया थारा नाम हजार,
मैं कैसे लिखू कंकु पत्री।।
कोई केवे गिरवरधारी,
कोई केवे श्याम मुरारी,
कोई केवे मदन गोपाल,
कैसे लिखू कंकु पत्री,
सांवरिया थारा नाम हजार,
मैं कैसे लिखू कंकु पत्री।।
कोई केवे नन्द किशोर,
कोई केवे माखन चोर,
नरसी केवे दिन दयाल,
कैसे लिखू कंकु पत्री,
सांवरिया थारा नाम हजार,
मैं कैसे लिखू कंकु पत्री।।
हरी थारा नाम हजार,
सांवरिया रा नाम हजार,
बनवारी थारा नाम हजार,
मैं कैसे लिखू कंकु पत्री।।
कोई टिप्पणी नहीं:
एक टिप्पणी भेजें